အရည်အချင်းရှိသောဝန်ထမ်းများကို ထိန်းသိမ်းခြင်းနှင့် အောင်မြင်မှုကို ပြုစုပျိုးထောင်ခြင်း။

ယနေ့ခေတ်ပြိုင်ဆိုင်မှုရှိနေတဲ့ စီးပွားရေးနယ်ပယ်ထဲမှာ အရည်အချင်းရှိသောဝန်ထမ်းများကို ထိန်းသိမ်းခြင်းနှင့် အောင်မြင်မှုကို ပြုစုပျိုးထောင်ခြင်းက အဖွဲ့အစည်းတွေရဲ့ ရေရှည်တည်တံ့အောင်မြင်မှုကိုဦးတည်နေပါတယ်။ ကျွမ်းကျင်ဝန်ထမ်းတွေကို ထိန်းသိမ်းနိုင်မှုက အလုပ်လုပ်နိုင်စွမ်းရည်တွေကို ထိန်းသိမ်းဖို့၊ ဆန်းသစ်တီထွင်မှုကို မြှင့်တင်ဖို့နဲ့ ခိုင်မာတဲ့ ကုမ္ပဏီယဉ်ကျေးမှုကို တည်ဆောက်ဖို့အတွက် အရေးကြီးပါတယ်။ ဒီဆောင်းပါးမှာ၊ အဖွဲ့အစည်းတွေအတွက် တန်ဖိုးရှိတဲ့ဝန်ထမ်းတွေကို ထိန်းသိမ်းရေး၊နဲ့ ဝန်ထမ်းတွေ ရှင်သန်နိုင်တဲ့ ပတ်ဝန်းကျင်ကို ဖန်တီးရန် အကောင်အထည်ဖော်နိုင်သည့် ထိရောက်သော နည်းဗျူဟာများစွာကို လေ့လာပါမယ်။

1. ယှဉ်ပြိုင်နိုင်သော လျော်ကြေးနှင့် အကျိုးကျေးဇူးများကို ပေးခြင်း။

အရည်အချင်းရှိတဲ့ဝန်ထမ်းတွေကို ထိန်းသိမ်းနိုင်ဖို့ အခြေခံအချက်တွေထဲကတစ်ခုက အများနဲ့ယှဉ်ပြိုင်နိုင်တဲ့ အခကြေးငွေကို ပေးနိုင်ခြင်းဖြစ်တယ်။ ဝန်ထမ်းတွေက သူတို့၏ ကျွမ်းကျင်မှုနဲ့ ပံ့ပိုးမှုတွေအတွက် မျှမျှတတ အခကြေးငွေရနိုင်တယ်ဆိုတာနဲ့ ဒီအလုပ်ခွင်တစ်ခုမှာမြဲဖို့ သေချာနေပါပြီ။ ကျန်းမာရေးစောင့်ရှောက်မှုတွေပေးတာ၊ အငြိမ်းစားယူမည့်အစီအစဉ်တွေလုပ်ပေးတာ၊ လိုက်လျောညီထွေရှိတဲ့အလုပ်အစီအမံတွေရှိတာနဲ့ ပရော်ဖက်ရှင်နယ်ဖွံ့ဖြိုးတိုးတက်မှုအခွင့်အလမ်းတွေလို ဆွဲဆောင်မှုရှိတဲ့အကျိုးကျေးဇူးတွေကို ပေးဆောင်ခြင်းက ဝန်ထမ်းတွေရဲ့စိတ်ကျေနပ်မှုရော သစ္စာစောင့်သိမှုကိုပါ သိသိသာသာအထောက်အကူပြုနိုင်ပါတယ်။ လျော်ကြေးငွေနဲ့ အကျိုးခံစားခွင့်တွေကို စျေးကွက်စံနှုန်းတွေနဲ့ ဝန်ထမ်းမျှော်မှန်းချက်တွေကို ချိန်ညှိပြီး အဖွဲ့အစည်းတွေက အရည်အချင်းရှိသူတွေကို ထိန်းသိမ်းထားဖို့လိုအပ်ပါတယ်။

2. အပြုသဘောဆောင်သော အလုပ်ယဉ်ကျေးမှုကို ကျင့်သုံးခြင်း။

အပြုသဘောဆောင်တဲ့ အလုပ်ယဉ်ကျေးမှုက အရည်အချင်းရှိဝန်ထမ်းတွေကို ထိန်းသိမ်းရာမှာ အရေးပါတဲ့ အခန်းကဏ္ဍကနေ ပါဝင်ပါတယ်။ သူတို့ရဲ့လုပ်ဖော်ကိုင်ဖက်တွေ၊ နောက်ပြီး အဖွဲ့အစည်းတွေနဲ့ ချိတ်ဆက်မှု၊ တန်ဖိုးထားမှု၊ လေးစားမှု ခံစားရတဲ့ ဝန်ထမ်းတွေက အလုပ်မှာ ဆက်လက်နေထိုင်ဖို့ အလားအလာ ပိုများပါတယ်။ အဖွဲ့အစည်းတွေက ပွင့်လင်းတဲ့ဆက်ဆံရေးကို မြှင့်တင်တာတွေ၊ အောင်မြင်မှုတွေကို အသိအမှတ်ပြုတာတွေနဲ့ ဆုချခြင်းစတာတွေနဲ့ ဝန်ထမ်းအားလုံး ပါဝင်နိုင်တဲ့ ပတ်ဝန်းကျင်ကို ပြုလုပ်ပေးခြင်းကလည်း အပြုသဘောဆောင်သော အလုပ်ယဉ်ကျေးမှုကို ပျိုးထောင်ရကျပါတယ်။ အလုပ်-ဘဝ ဟန်ချက်ညီအောင် အားပေးတာ၊ ကျန်းမာရေးဆိုင်ရာ အစပျိုးမှုတွေကို မြှင့်တင်တာတွေနဲ့ တိုးတက်မှုအတွက် အခွင့်အလမ်းတွေ ပေးဆောင်တာက ဝန်ထမ်းတွေရဲ့ သုခချမ်းသာနဲ့ စိတ်ကျေနပ်မှုကို ဦးစားပေးသည့် ယဉ်ကျေးမှုကို ဖန်တီးဖို့ နောက်ထပ်နည်းလမ်းတွေဖြစ်ပါတယ်။

3. Professional Development တွင် ရင်းနှီးမြှုပ်နှံပါ။

အလုပ်ခွင်ဆိုင်ရာ တိုးတက်မှုနဲ့ ဖွံ့ဖြိုးမှုအတွက် အခွင့်အလမ်းတွေ ပံ့ပိုးပေးခြင်းက ဝန်ထမ်းကောင်းတွေကို ထိန်းသိမ်းမှုအတွက် အစွမ်းထက်တဲ့ နည်းလမ်းတစ်ခုဖြစ်ပါတယ်။ ဝန်ထမ်းတွေက သူတို့ရဲ့ အသက်မွေးဝမ်းကြောင်း တိုးတက်မှုအတွက် ရင်းနှီးမြှပ်နှံတဲ့ အဖွဲ့အစည်းတွေကို တန်ဖိုးထားကြပါတယ်။ လေ့ကျင့်ရေးအစီအစဉ်တွေ၊ လမ်းညွှန်မှုအခွင့်အလမ်းတွေနဲ့ ပညာရေးဆိုင်ရာအကူအညီtတွကို ပေးဆောင်ခြင်းက ဝန်ထမ်းတွေရဲ့ အရည်အချင်းတွေကို မြှင့်တင်ပေးရုံသာမက သုတို့ရဲ့ရေရှည်အောင်မြင်မှုအတွက် ပံ့ပိုးရာရောက်ပါတယ်။ ဝန်ထမ်းတွေရဲ့ ပရော်ဖက်ရှင်နယ် ဖွံ့ဖြိုးတိုးတက်မှုမှာ ရင်းနှီးမြှုပ်နှံခြင်းကလည်း အဖွဲ့အစည်းတွေအပေါ် ဝန်ထမ်းတွေရဲ့ သစ္စာစောင့်သိမှုကို မြှင့်တင်ပေးပြီး နောက်ဆုံးပေါ် အသိပညာနဲ့ ကျွမ်းကျင်မှုတွေ ရှိထားတဲ့ ဝန်ထမ်းတွေကိုပိုင်ဆိုင်ရမှာဖြစ်ပါတယ်။

4. ခိုင်မာသောခေါင်းဆောင်မှုကို ပေးနိုင်ခြင်း။

ထိရောက်တဲ့ ခေါင်းဆောင်မှု က ဝန်ထမ်းကောင်းတွေကို ထိန်းသိမ်းရာမှာ အရေးပါတဲ့ အခန်းကဏ္ဍကနေ ပါဝင်ပါတယ်။ ခေါင်းဆောင်တွေက ဝန်ထမ်းတွေကို လှုံ့ဆော်မှု၊ နဲ့ လမ်းညွှန်မှုကောင်းတွေကိုပေးရပါမယ်။ သူတို့တွေကဝန်ထမ်းတွေရဲ့ ပံ့ပိုးကူညီမှု၊ အခွင့်အာဏာနဲ့ စွမ်းဆောင်ရည် အပြည့်အဝရောက်ရှိနိုင်ဖို့ အားပေးမှုတို့ ခံစားရတဲ့ ပတ်ဝန်းကျင်ကို ဖန်တီးပေးရပါမယ်။ အဖွဲ့အစည်းတွေက ခေါင်းဆောင်မှု၊ ဖွံ့ဖြိုးတိုးတက်ရေး အစီအစဉ်တွေမှာ ရင်းနှီးမြှုပ်နှံသင့်ပြီး မန်နေဂျာတွေကလည်း လက်အောက်ငယ်သားတွေကို ထိရောက်စွာ ဦးဆောင်စီမံပေးဖို့ လိုအပ်တဲ့ အရည်အချင်းတွေလည်းရှိရပါမယ်။ ခိုင်မာသောခေါင်းဆောင်မှုကို ပေးနိုင်ခြင်းက အဖွဲ့အစည်းတွေအတွက် အပြုသဘောဆောင်သော အလုပ်ပတ်ဝန်းကျင်ကို မွေးမြူရာရောက်သလို၊ ဝန်ထမ်းတွေအလုပ်ထွက်နှုန်းကို လျှော့ချနိုင်ပြီး ထိပ်တန်းစွမ်းဆောင်ရည်တွေကို ဆက်လက်ထိန်းသိမ်းထားနိုင်ပါတယ်။

အချုပ်အားဖြင့် ပြောရရင်ဝန်ထမ်းကောင်းတွေကိုထိန်းသိမ်းခြင်းက အဖွဲ့အစည်းအောင်မြင်မှုရဲ့ အရေးကြီးတဲ့ ကဏ္ဍတစ်ခုဖြစ်ပါတယ်။ ကာလပေါက်စျေးရှိတဲ့ အခကြေးငွေပေးတာတွေ၊ အပြုသဘောဆောင်သော အလုပ်ယဉ်ကျေးမှုကို လိုက်နာတာတွေ၊ ပရော်ဖက်ရှင်နယ် ဖွံ့ဖြိုးတိုးတက်မှုမှာ ရင်းနှီးမြုပ်နှံတာနဲ့ ခိုင်မာတဲ့ ခေါင်းဆောင်မှုကို ပြုစုပျိုးထောင်ပေးတဲ့ နည်းလမ်းတွေကို အကောင်အထည်ဖော်ခြင်းက အဖွဲ့အစည်းတွေအတွက် ထိပ်တန်းအရည်အချင်းရှိသူတွေကို ဆွဲဆောင်ပြီး ထိန်းသိမ်းနိုင်တဲ့ ပတ်ဝန်းကျင်ကို ဖန်တီးနိုင်ပါတယ်။ ကျွမ်းကျင်ဝန်ထမ်းတွေကို ထိန်းသိမ်းခြင်းက ဆန်းသစ်တီထွင်မှုနဲ့ အောင်မြင်မှုကို ပေးနိုင်တဲ့ စွမ်းဆောင်ရည်မြင့်မားသော ဝန်ထမ်းအင်အားကို တိုးပွားစေပါတယ်။