ဝန်ထမ်းခန့်အပ်ရာမှာ ဘာကြောင့် ဝန်ထမ်းလောင်းတွေနဲ့ ထိတွေ့ဆက်ဆံရေးက အရေးပါတာလဲ။ ဘာကြောင့် ဝန်ထမ်းလောင်

ကိုဗစ်-၁၉ ကြောင့် ၂၀၁၉ ခုနှစ် စတုတ္ထ ၃လပတ်ကတည်းကစပြီး စီးပွားရေး လုပ်ငန်းတွေအနေနဲ့ ခက်ခဲကြပ်တည်းတဲ့ အခြေအနေတစ်ခုကို ရင်ဆိုင်နေရကာ အလုပ်အကိုင်အခွင့်အလမ်း ရရှိမှုနှုန်း ကလည်း ကျဆင်းနေခဲ့ပါတယ်။အကျိုးဆက်အနေနဲ့ ကတော့ သင့်လုပ်ငန်းအတွက် ဝန်ထမ်း ရှာဖွေခန့်အပ်မယ်ဆိုရင် အရည်အချင်းပြည့်ဝတဲ့ ဝန်ထမ်း အမြောက်အများဟာ အဆင့်သင့်စောင့်ကြိုနေပါတယ်။ သင့်ကုမ္ပဏီက လူတော်တွေ ရှာမယ်ဆိုရင်တော့ ဝန်ထမ်းရှာဖွေ ခန့်အပ်ရေး လုပ်ငန်းစဉ်တွေထဲက အရေးပါတဲ့ အစိတ်အပိုင်းဖြစ်တဲ့ ဝန်ထမ်းလောင်းတွေနဲ့ ထိတွေ့ဆက်ဆံရေး လို ကိစ္စတွေကိုတော့ ဂရုစိုက်လုပ်ဆောင်သင့်ပါတယ်။ ကပ်ရောဂါ အခြေအနေကနေ ပြန်လည် ကောင်းမွန်သွားတဲ့ အချိန် အလုပ်အကိုင် ဈေးကွက်ကလည်း ပြောင်းသွားတဲ့ အခြေအနေမှာ ဒီအယူအဆက စီးပွားရေးလုပ်ငန်းတွေ အတွက် အလုပ်ဖြစ်စေမှာပါ။ ဒါကြောင့် ဝန်ထမ်းလောင်းတွေနဲ့ ထိတွေ့ဆက်ဆံရေး အကြောင်းကို မျှဝေပေးလိုပါတယ်။

ဝန်ထမ်းလောင်းတွေနဲ့ ထိတွေဆက်ဆံရေး ဆိုတာဘာလဲ

ဝန်ထမ်းလောင်းတွေနဲ့ ထိတွေ့ဆက်ဆံရေးဆိုတာကတော့ လစ်လပ်ဝန်ထမ်းနေရာတွေ ရှိတဲ့ အခါမျိုးမှာ ဝန်ထမ်းလောင်းတွေကို စာနဲ့ ဖြစ်စေ၊ email နဲ့ ဖြစ်စေ၊ မျက်နှာချင်းဆိုင်ဖြစ်စေ ထိတွေ့ ဆက်သွယ်လုပ်ဆောင်ရတဲ့ လုပ်ငန်းစဉ်ပဲ ဖြစ်ပါတယ်။ ဒါဆို ဝန်ထမ်းလောင်းတွေ နှင့် ထိတွေ့ဆက်ဆံရေးက ဘာကြောင့် အရေးကြီးတာလဲ။

ဝန်ထမ်းလောင်းတွေ နှင့် ထိတွေ့ဆက်ဆံရေး စီမံ ခန့်ခွဲမှုအမှားတွေကြောင့် ဆုံးရှုံးရမှုများ

ဝန်ထမ်းလောင်းတွေ နှင့် ထိတွေ့ဆက်ဆံရေး စီမံ ခန့်ခွဲမှုအမှားတွေကြောင့် ဆုံးရှုံးမှုတွေကတော့ အံ့အားသင့်စရာပါပဲ။ CareerBuilder ရဲ့ လေ့လာတွေ့ရှိမှုတွေအရ ဆိုးဝါးတဲ့ အတွေ့အကြုံတွေ ရခဲ့တဲ့ ဝန်ထမ်းလောင်း ၄၂ရာခိုင်နှုန်း ကတော့ အဲဒီ ကုမ္ပဏီကို ဘယ်တော့မှာ နောက်တစ်ခေါက် ထပ်ပြီး အလုပ်မလျှောက်တော့ပါဘူး။ သူတို့ထဲက ၂၂ ရာခိုင်နှုန်းကတော့ တခြားသူတွေကိုပါ မလျှောက်ကြဖို့ ပြောကြပါတယ်။ ဒါဟာ သင့်ကုမ္ပဏီရဲ့ ပုံရိပ်ကို အောက်ဆုံးထိ ဆွဲချသွားစေနိုင်ပါတယ်။ တဖက်မှာလဲ ကောင်းမွန်တဲ့ အတွေ့အကြုံတွေ ခံစားရတဲ့ ဝန်ထမ်းလောင်းတွေကတော့ သင့်ရဲ့ ကုမ္ပဏီအတွက် သံတမန်တယောက် ရလိုက်သလိုပါပဲ။

ဝန်ထမ်းလောင်းတွေ နှင့် ထိတွေ့ဆက်ဆံရေး တိုးတက်ကောင်းမွန်အောင် ဘယ်လို စနစ်တကျ လုပ်နိုင်လဲ

လူဦးရေနှစ်ယောက်လောက်ပဲ အလုပ်ခန့်အပ်ဖို့ဆိုရင်တော့ သိပ်ပြီး မခက်ခဲလှပါဘူး။ လူဦးရေများလာတဲ့ အခါမှာတော့ အခက်အခဲတွေရှိလာပါပြီ။ အရာရာကို စောင့်ကြည့် စစ်ဆေးဖို့ဆိုတာကတော့ ပိုရှုပ်ထွေးစေနိုင်ပါတယ်။ ဒါကြောင့် ဝန်ထမ်းရှာဖွေသူတွေအနေနဲ့ ဝန်ထမ်းလောင်းတွေရဲ့ သတင်းအချက်အလက်တွေ စုဆောင်းဖို့ ပုဂ္ဂိုလ်ရေးဆိုင်ရာ အချက်အလက်တွေကို သိမ်းဆည်းဖို့ စတာတွေအတွက် သင့်တော်တဲ့ စနစ်ကောင်းကောင်းတွေ ရှိထားသင့်ပါတယ်။ JustLogin နဲ့ RecruiterPal တို့လို software တွေကလည်း ဝန်ထမ်းရှာဖွေသူတွေ HR တွေအတွက် သူတို့ရဲ့ နေ့စဉ်လုပ်ဆောင်ရမယ့် အလုပ်တွေကို ကူညီပေးနိုင်ပါတယ်။

ပွင့်လင်းမြင်သာမှု ရှိခြင်းကလည်း အကောင်းဆုံး လမ်းစဉ်တစ်ခုပါပဲ

ဝန်ထမ်းလောင်းတွေကို အချိန် သတ်မှတ်ပေးတာ နဲ့ ကတိကဝတ်တွေ ပေးတဲ့ အခါမှာ အများဆုံး ဖြစ်တတ်ကြပါတယ်။ ဝန်ထမ်းလောင်းတွေ စွန့်ခွါသွားရခြင်းက သူတို့ရဲ့ အလုပ်လျှောက်တဲ့ နေရာက အထင်ကြီးစရာ မရှိတာ ဒါမှမဟုတ် ဆိုးဝါးနေတာမျိုး သင့်ကုမ္ပဏီမှာ အလုပ်လုပ်ခြင်းက သူတို့အတွက် အကျိုးမရှိဘူးလို့ ထင်စေတာတွေကြောင့် ဖြစ်ပါတယ်။ အလုပ်ခေါ်ခြင်း၊ ခန့်အပ်ခြင်း စတဲ့ လုပ်ငန်းစဉ် တလျှောက် နောက်ဆုံးအဆင့်အထိ သူတို့ကို အသိပေးရပါမယ်။ အထူးသဖြင့် သူတို့ရဲ့ ကြိုးစားအားထုတ်မှုက မအောင်မြင်ရင်လည်း မအောင်တဲ့ အကြောင်းပေါ့။ TalentBoard ရဲ့ သုတေသနပြုလုပ်ချက်မှာတော့ အလုပ်ရှာကြသူ ၅၂ ရာခိုင်နှုန်း ကတော့ အင်တာဗျူးပြီးတဲ့နေ့မှာပဲ သူတို့ရဲ့ အခြေအနေကို ပြန်သိရမယ်ဆိုရင် အဆိုပါကုမ္ပဏီနဲ့ ရေရှည်ဆက်ဆံရေးကောင်းမွန်အောင် ပြုလုပ်ကြပါတယ်။ ဝန်ထမ်းလောင်းတွေရဲ့ ၄၁ ရာခိုင်နှုန်းကျော်ကတော့ ဝန်ထမ်းရှာဖွေသူတွေထံမှ လုပ်ငန်းစဉ်နဲ့ ပတ်သက်တဲ့ ဆက်သွယ်မှု မျိုးလောက်ကိုပဲ လက်ခံရရှိကြပါတယ် လို့ ဆိုထားပါတယ်။

အဆက်အသွယ်ကောင်းတွေ တည်ဆောက်ပါ

အလုပ်မှာ ပရော်ဖက်ရှင်ဆန်တယ်ဆိုတာ အင်မတန် ကောင်းပါတယ်။ ဒါပေမယ့် အကျိုးကျေးဇူးအနေနဲ့ကတော့ ဝန်ထမ်းလောင်းတွေ နဲ့ မိတ်ဆွေတယောက်လိုမျိုး ဒါမှမဟုတ် အနည်းဆုံးတော့ ခင်မင်ရင်းနှီးမှုရသွားအောင် လုပ်ထားရပါမယ်။ ရာထူးကြီး ဝန်ထမ်းတွေကို ရှာဖွေရသူတွေမှာတော့ တကယ်တော်တဲ့သူတွေနဲ့ အချိတ်အဆက်ကောင်းကောင်းရှိကြသလို သူတို့ရဲ့ ပေါင်းသင်းဆက်ဆံရေး စွမ်းရည်တွေကနေလဲ အများကြီး ရနိုင်ပါတယ်။ လစ်လပ်နေရာတစ်ခု ရှိရင် ဝန်ထမ်းလောင်းတွေကလည်း အဆင်သင့်ရှိနေပါတယ်။ သူတို့အနေနဲ့ လုပ်ငန်းတူ တခြားကုမ္ပဏီမှာ လုပ်နေတယ်ဆိုရင်တောင် အဆက်အသွယ်ရှိနေရပါမယ်။ ဒါက နောက်လာမယ့် အတူတူလုပ်ရမယ့် အလုပ်တွေအတွက် အခွင့်အလမ်းတခု ဖြစ်မှာပါ။ သင်နဲ့ အဆက်အသွယ်မပြတ်ရှိနေတဲ့ ဝန်ထမ်းလောင်းတွေက သင့်ကုမ္ပဏီမှာ အလုပ်လျှောက်ဖို့ တခြားသူတွေကိုလည်း ထောက်ခံပေးကောင်းပေးပါလိမ့်မယ်။

ထူးချွန်ဝန်ထမ်းလောင်းတွေ များသထက်များအောင်လုပ်ပါ

ဝန်ထမ်းလောင်းတွေနဲ့ ထိတွေ့ဆက်ဆံရေးနဲ့ ပတ်သက်ပြီး ကောင်းတဲ့အချက်တွေကို ပြန်လည်အနှစ်ချုပ်ရမယ်ဆိုရင်တော့ ပထမဆုံး ဝန်ထမ်းရှာဖွေသူတွေအနေနဲ့ လစ်လပ်နေရာတွေမရှိသေးဘူးဆိုရင်တောင် အဆက်အသွယ် အချိတ်အဆက်တွေ တည်ဆောက်ထားသင့်ပါတယ်။ ဒါမှသာ အလုပ်ခန့်ဖို့လိုလာတဲ့ အချိန်ရောက်ပြီဆိုတာနဲ့ သင်လက်ထဲမှာ အလုပ်လျှောက်လွှာတွေက အဆင်သင့်ဖြစ်နေပါလိမ့်မယ်။ ကောင်းမွန်တဲ့ အလုပ်လျှောက်လို့ရတဲ့ Webpage တခုလုပ်ထားပြီး အသိပေးထားမယ်ဆိုရင်တော့ အလုပ်လျှောက်လွှာများကိုအချိန်မရွေး လက်ခံနိုင်မှာဖြစ်ပါတယ်။

ဝန်ထမ်းရှာဖွေသူတွေအနေနဲ့ ကုမ္ပဏီရဲ့ လက်ရှိ ဝန်ထမ်းအင်အားကိုလည်း မေ့မထားသင့်ပါဘူး။ လက်ရှိဝန်ထမ်းတွေကနေတဆင့်လည်း ညွှန်းပေးနိုင်တာမို့ လျှော့တော့မတွက်စေချင်ပါဘူး။ ယခင်ဆောင်းပါးမှာ ဖော်ပြခဲ့ဖူးသလိုပဲ ဝန်ထမ်းလောင်းတွေအနေနဲ့ ဒီကုမ္ပဏီက အလုပ်လုပ်ဖို့ကောင်းတဲ့နေရာဟုတ်မဟုတ်ဆိုတာကို အလုပ်ရှင်ထက် ဝန်ထမ်းတွေပြောတာကို ပိုပြီး ယုံကြည်ကြပါတယ်။

ကုမ္ပဏီတစ်ခုအတွက် ဝန်ထမ်းလောင်းတယောက်က လုပ်ငန်းနဲ့ အံဝင်ခွင်ကျ ဖြစ်၊ မဖြစ် သိနိုင်ဖို့ အလုပ်သင်၊ အစမ်းခန့်ကာလ များသတ်မှတ်ခြင်းနည်းလမ်းကိုလည်း ကျင့်သုံးနိုင်ပါတယ်။

အနှစ်ချုပ်အနေနဲ့ ကမ္ဘာတဝှမ်းခံစားနေရတဲ့ ကပ်ရောဂါကြီးကနေ ကင်းဝေးပြီး စီးပွားရေးပြန်လည်ကောင်းမွန်လာတဲ့ အခါ ဝန်ထမ်းရှာဖွေသူတွေအတွက် ဝန်ထမ်းလောင်းတွေနဲ့ ထိတွေ့ဆက်ဆံရေး တိုးတက်ကောင်းဖို့ဆိုတာကလည်း စိန်ခေါ်မှု မြင့်မားလာနိုင်ပါတယ်။ ဝန်ထမ်းလောင်းတွေကို ဂရုစိုက်ခြင်းဟာ ရည်ရှည်လုပ်ရမယ့်အရာတစ်ခုဖြစ်ပြီး အချိန်ပေး ဂရုစိုက်နိုင်မှာသာ သင့်ရဲ့ ပုံရိပ်နဲ့ ဝန်ထမ်းရှာဖွေရေး နှစ်ခုလုံးအတွက် ကောင်းမွန်နိုင်မှာဖြစ်ကြောင်း အကြုံပြုမျှဝေပေးလိုက်ပါတယ်နော်။

JustLogin နှင့်အတူ Cloud-based HR ကို စတင်လိုက်ပါ

JustLogin ဟာ Cloud based HR application တခုဖြစ်ပါတယ်။ အသေးစားနှင့် အလတ်စား စီးပွားရေးလုပ်ငန်းတွေအတွက် သူတို့ရဲ့ လစာပေးစနစ်တွေ၊ ခွင့်၊ ရုံးတက်စာရင်း၊ အသုံးစရိတ်နှင့် အကျိုးခံစားခွင့်တွေကို စီမံခန့်ခွဲရာမှာ အလိုအလျောက် လုပ်ဆောင်ပေးနိုင်ပါတယ်။ ကျွန်ုပ်တို့အနေနဲ့ ထောင်ချီတဲ့ စီးပွားရေးလုပ်ငန်းတွေကို သူတို့ရဲ့ ကုန်ထုတ်လုပ်မှု စွမ်းအားပိုမိုမြင့်မားလာအောင် သူတို့ဝန်ထမ်းတွေရဲ့ အတွေ့အကြုံတွေ ပိုမိုကောင်းမွန်လာအောင် ကူညီခဲ့ပြီး ဖြစ်ပါတယ်။ သူတို့အနေနဲ့ ရုံးတစ်ခု၊ စားသောက်ဆိုင်တစ်ခု၊ လက်လီဆိုင်တစ်ခု၊ ဂိုထောင်တစ်ခုမှာ အလုပ်လုပ်နေရရင်လည်း ကိစ္စမရှိပါဘူး အိမ်ကနေ အလုပ်လုပ်နေရရင်တောင်မှ ကိစ္စမရှိတော့ပါဘူး။ JustLogin ကို ဒီနေ့ပဲ http://mm.justlogin.com/my/free-trial/ မှာ စမ်းသုံးကြည့်လိုက်ပါ။