စီးပွားရေးလုပ်ငန်းရှင်တိုင်း သိထားသင့်တဲ့ ၂၀၂၀ ခုနှစ်မှာ ခေတ်စားလာတဲ့ လုပ်ငန်းခွင် နဲ့ HR နည်းပညာ (၅

COVID-19 ရောဂါပြန့်ပွားနေမှုတွေကြောင့် စီးပွားရေးဆိုင်ရာ ပြောင်းလဲမှုတွေ ဖြစ်ပေါ်နေတဲ့ အတွက် အလုပ်ချိန်ကို အဆင်ပြေသလို ညှိနိုင်းလုပ်ဆောင်တာမျိုး၊ လူတွေ့ထက် Software တစ်ခုခုကိုအသုံးပြုပြီးတော့ Meeting တွေ ပြုလုပ်တာ စတဲ့ နည်းလမ်းတွေနဲ့ လုပ်ငန်းလုပ်ကိုင်မှုတွေ ပေါ်ပေါက်လာခဲ့ပါတယ်။ အဖွဲ့အစည်းလိုက် အလုပ်လုပ်ဖို့အတွက် အဆင်ပြေအောင်နဲ့ အလုပ်နေရာထိုင်ခင်းတွေအတွက် စီမံခန့်ခွဲမှုပိုင်း လုပ်တဲ့သူတွေနဲ့ HR ဌာနတွေအနေနဲ့လည်း တော်တော်လေးကို ရွေးချယ်ရ အခက်တွေ့ကြပါတယ်။ တစ်ချိုကုမ္ပဏီတွေက HR ဌာနတွေအနေနဲ့ အခုလက်ရှိအခြေအနေက အဆင်မပြေတော့တာကို သိပြီးတဲ့နောက်မှာ နည်းပညာပိုင်းကို အခြေပြုပြီး ပြောင်းလဲကြဖို့ ကြိုးစားလာကြပါတယ်။

(၁) ရုံးခန်းအကျယ်အဝန်းများ ပြောင်းလဲခြင်း

အဖွဲ့အစည်းတော်တော်များများက သူတို့ရဲ့ ဝန်ထမ်းတွေကို COVID-19 ကာလမှာ Work From Home စနစ်နဲ့အလုပ်လုပ် ကြဖို့ညွှန်ကြားထားကြပါတယ်။ ရုံးနေရာပြင်ဆင်ရတာကလည်း အရေးကြီးသေးတယ်ဆိုတာက ပြောပြစရာတော့ မလိုတော့ပါဘူး။ ပုံမှန်ဆိုရင်လည်း မဖြစ်မနေကို ဒီလိုလုပ်ရမှာ ဖြစ်ပါတယ်။ အခုအချိန်မှာတော့ ကုမ္ပဏီတွေက နေရာကျဉ်းကျဉ်းလေးတွေမှာ သူတို့ဝန်ထမ်း တစ်ဝက်နီးပါးလောက်နဲ့ အလုပ်တွေကို ပြောင်းလဲလုပ်ကိုင်နေကြပါတယ်။

ရုံးခန်းတွေက နေရာပြောင်းလဲလိုက်တာကြီးပဲတော့ မဟုတ်ပြန်ပါဘူး။ အရင်တုန်းက ရှင်းပြဖူးခဲ့သလို ကုမ္ပဏီတွေက အချက်အလက်စုဆောင်းတာတွေ၊ ဒီဂျစ်တယ်စနစ်သုံးထားတဲ့ ဖိုင်တွေနဲ့ Cloud-based စနစ်အသုံးပြုမှုတွေ စတဲ့ နည်းပညာသစ်တွေကို အသုံးပြုပြီးတော့ ပြဿနာတွေကို ဖြေရှင်းနေကြပါပြီ။ ခန္ဓာကိုယ်အပူချိန်ကို စစ်ဆေးနိုင်သည့် Biometric Scanner တွေကိုလည်း နိုင်ငံတစ်ဝှမ်းက အဆောက်အဦးတွေမှာ တွေ့နိုင်ပါတယ်။

(၂) မည့်သည့်နေရာမှမဆို လုပ်ငန်းဆောင်ရွက်နိုင်စွမ်းများကို စစ်ဆေးတိုင်းတာခြင်း

အရင်တုန်းက လုပ်ငန်းဆောင်ရွက်မှု တိုင်းတာစစ်ဆေးတာတွေက အခုလို ဒီဂျစ်တယ်ခေတ် စစ်ဆေးချက်တွေနဲ့ ဘယ်လိုမှသက်ဆိုင်မှုမရှိတော့ပါဘူး။ အလုပ်ချိန်အကြာကြီး လုပ်တာနဲ့ အလုပ်ပိုပြီးမြောက်တာတွေအတွက်လည်း မေးစရာအချက်တွေက ပိုပိုပြီး များလာပါတယ်။ ကုမ္ပဏီတွေအနေနဲ့ သူတို့ရဲ့ ဝန်ထမ်းတွေကို သက်ဆိုင်ရာနေရာတွေမှာ အလုပ်လုပ်ရ အဆင်ပြေအောင် Freelancer တွေငှားပြီးတော့လည်း ထောက်ပံ့ပေးကြပါတယ်။ ဝန်ထမ်းတွေရဲ့ လုပ်ငန်းဆောင်တာတွေနဲ့ လုပ်ပုံကိုင်ပုံတွေကို ဘာကြောင့်ပိုပြီး တိတိကျကျ လိုက်စစ်ဆေးနိုင်ရတာလဲ? အရင်ဆုံး Feedback တွေအဆက်မပြတ်ရနိုင်ဖို့နဲ့ အကဲဖြတ်မှုတွေ လိုအပ်ပါတယ်။ ဝန်ထမ်းတွေကို အလုပ်လုပ်ခဲ့တဲ့ ဖိုင်တွေ၊ Screenshot တွေကို management လုပ်နိုင်တဲ့ tool တွေရှိတဲ့အတွက် တစ်စုတစ်စည်းထဲကြည့်နိုင်သလို သူတို့ရဲ့တာဝန်ရှိသူကလည်း သေသေချာချာ စစ်ဆေးနိုင်မှာ ဖြစ်ပါတယ်။ Creative App တစ်ချို့မှာဆိုရင် like နဲ့ dislike ဆိုပြီး ရွေးချယ်ပေးနိုင်တဲ့ စနစ်ပါဝင်ပြီးတော့ တစ်ယောက်ချင်းစီကိုလည်း rate သတ်မှတ်ပေးနိုင်ပါတယ်။

(၃) အလုပ် နဲ့ ကိုယ်ပိုင်ဘဝ မကွဲပြားခြင်း

Work From Home စနစ်နဲ့အလုပ်လုပ်တဲ့အခါ Personal နဲ့ Work ကိုခွဲခြားစရာမလိုဘူး ဖြစ်နေပါတယ်။ အလုပ်နဲ့ အိမ် အသွားအပြန်လည်း မရှိဘူး။ ညနေ ၆ နာရီထိဖြစ်တဲ့အတွက် “ရုံးကနေ အိမ်ပြန်ရပြီ” ဆိုတဲ့ ခံစားချက်မျိုး လည်းမရနိုင်ပါဘူး။ Texting App တွေ Video Call တွေနဲ့ စုပေါင်းပြီးတော့ တိုင်ပင်ဆွေးနွေးပြီး အလုပ်လုပ်ရတာ တွေ ရှိတဲ့အတွက် အလုပ်ရှုပ်ဖို့တော့ ပိုပြီးလွယ်ပါတယ်။ Clock-in နဲ့ Clock-out ကပြောထားတာက ဒီလိုမျိုးတွေအတွက် အကူအညီဖြစ်နိုင်မှာပါ။

Smartwatch တွေက လက္ခဏာတွေ၊ နှလုံးခုန်နှုန်း၊ အိပ်ချိန်နဲ့ ကျန်းမာရေးနဲ့ပက်သက်တာတွေကို တော်တော်လေး တိတိကျကျ ဖတ်တတ်ပါတယ်။ အထောက်အပံ့အပြည့်အဝပေးနိုင်တဲ့ အဖွဲ့အစည်းတွေမှာ ဆိုရင်တော့ ဌာနတစ်ခုက သူတို့ရဲ့ ဝန်ထမ်းတစ်ယောက်ကို စိတ်ဖိစီးမှုအရမ်းများနေလားဆိုတာကို တစ်ခြားသူတွေနဲ့ နှိုင်းယှဉ်ကြည့်ဖို့အတွက် ဒီလိုအချက်ကိုသုံးနိုင်ပြီးတော့ တစ်ယောက်ယောက်နေမကောင်းတဲ့အချိန်မှာလည်း Check-in သဘောမျိုးလုပ်နိုင်ပါတယ်။ ဘယ်လိုပဲဖြစ်ဖြစ် အလုပ်လုပ်ပုံကိုင်ပုံ၊ သဘောသဘာဝတွေနဲ့ ခေါင်းဆောင်မှုပုံစံတွေ မတူညီတာကြောင့် အားလုံးက ထပ်တူကျပေးနေစရာတော့ မလိုပါဘူး။

(၄) Fintech နှင့်ပိုမိုပေါင်းစပ် လုပ်ကိုင်နိုင်ခြင်

အထူးသဖြင့်တော့ လက်လီရောင်းဝယ်တဲ့ဆိုင်နဲ့ အစားအသောက်အဖျော်ယမကာ ဆိုင်တွေမှာ ပိုပြီး ထင်ရှားပေမယ့် ယေဘူယျအားဖြင့်တော့ COVID-19 ကူးစက်ရောဂါက စီးပွားရေးလုပ်ငန်းတွေမှာ Fintech အသုံးပြုမှုကို သိသိသာသာအရှိန်မြင့်သွားစေနိုင်ပါတယ်။ Fintech ဆိုတာဘာလဲ? အတိုချုန်းရှင်းပြရရင်တော့ Fintech ဆိုတာ ငွေကြေးဝန်ဆောင်မှုတွေကို နည်းပညာအသုံးပြုပြီးတော့ လုပ်ငန်းတွေ ဖောက်သည်တွေကို ထောက်ပံ့ပေးတာမျိုးကို ဆိုလိုတာ ဖြစ်ပါတယ်။ PayNow, PayPal နဲ့ Matchmove ပုံစံမျိုးတွေဖြစ်ပါတယ်။ Social Distance ကိုထိန်းသိမ်းနိုင်ဖို့အတွက် ဖြေရှင်းနည်းအသစ်တစ်ခုဖြစ်တာ စီးပွားရေးလုပ်ငန်းတွေကို ပြန်ပြီးလည်ပတ်နိုင်စေတာနဲ့ ဝန်ဆောင်မှုမပေးနိုင်တဲ့ ပြဿနာတွေကို ဖြေရှင်းပေးနိုင်တဲ့ အတွက် မထင်ထားလောက်တဲ့ သုံးစွဲမှုတွေကို တွေ့ရမှာ ဖြစ်ပါတယ်။

(၅) စိတ်ကျန်းမာရေးကိုလည်း အလေးထားသင့်ပါတယ်

စိတ်ကျန်းမာနေဖို့ဆိုတာကို အရင်ကထပ်ပိုတန်ဖိုးထားပြီး သေချာကြည့်လာကြပါပြီ။ ပြောရမယ်ဆိုရင် Millennials နဲ့ Gen-Z တို့အလုပ်တွေထွက်ခဲ့တာဟာ (၅၀% နဲ့ ၇၀%) စိတ်ကျန်းမာရေးပြဿနာတွေကြောင့် ဆိုတာကလည်း ငြင်းလို့မရပြန်ပါဘူး။ အိမ်ကနေအလုပ်လုပ်တာက လူတွေနဲ့ထိတွေ့ဆက်ဆံရတာမျိုး မရှိတဲ့အတွက် သက်ဆိုင်တဲ့ ပြဿနာတွေတော့ ပေါ်လာတတ်ပါတယ်။ ဒီအတွက် အင်တာနက်ကနေ Mental Health Service လိုမျိုးတွေကို HR ဌာနနဲ့ ပူးပေါင်းပြီးတော့ အဝေးကအလုပ်လုပ်နေတဲ့ ဝန်ထမ်းတွေအတွက် ထောက်ပံ့ပေးသင့်ပါတယ်။ အိမ်ကနေအလုပ်လုပ်ရင်း ဝန်ထမ်းတွေရဲ့ စိတ်ဖိစိမှုများနေတာတွေ ပြဿနာဖြစ်နေတာတွေကို နားထောင်ပေးတာ၊ ရိုးရိုးရှင်းရှင်း Aid ပို့ပေးတာမျိုးဖြစ်ဖြစ် Professional Mental Health Service မျိုးကို ပြုလုပ်ပေးသင့်ပါတယ်။

အနာဂတ်ကို ကြိုတွေးကြည့်မယ်

“ဘဝရဲ့ မပြောင်းလဲနိုင်တဲ့အရာတစ်ခုက ပြောင်းလဲခြင်း” ဖြစ်တယ်ဆိုတဲ့စကားက အထူးသဖြင့်တော့ အလုပ်ခွင်မှာ ပိုပြီး မှန်ကန်ပါတယ်။ 5th Generation မိုဘိုင်းကွန်ရက် (5G) ဟာ တစ်ကမ္ဘာလုံးကို တစ်ခါမှမတွေ့မကြုံဖူးသေးတဲ့ နည်းလမ်းတွေ အရင်ကလုပ်ဆောင်မှုနှေးကွေးတဲ့ 4G ထက်ပိုကောင်းအောင် ကမ္ဘာတစ်ခုလုံးကို ဆက်သွယ်ပေးမှာ ဖြစ်ပါတယ်။ ဒီလိုဖြန့်ကျက်မှုနဲ့ AI နည်းပညာဖွံ့ဖြိုးတိုးတက်မှုတွေက လက်ရှိအလုပ်အကိုင်တွေအတွက် ရွေးချယ် စရာတစ်ခု ထပ်တိုးလာစေမှာ ဖြစ်ပါတယ်။ နည်းပညာဆိုင်ရာလည်း ဖြေရှင်းချက်တွေရှိနေတဲ့အတွက် အလုပ်ရှင်တွေအနေနဲ့လည်း ဒီလိုအခြေအနေမျိုးကို ကုမ္ပဏီတိုးတက်ဖို့အတွက် အခွင့်အလမ်းတစ်ခုအဖြစ် လက်ခံထားသင့်ပါတယ်။

Cloud-based HR Software တစ်ခုဖြစ်တဲ့ JustLogin ကိုအခုပဲ စတင်အသုံးပြုလိုက်ပါ။

JustLogin ဆိုတာကတော့ အသေးစားနဲ့ အလတ်စားလုပ်ငန်းတွေရဲ့ လစာ၊ ခွင့်ရက်၊ ရုံးတက်ရက်၊ ကုန်ကျစရိတ်တွေနဲ့ အခြားစီမံခန့်ခွဲမှုတွေကို အလိုအလျောက် တွက်ချက်ပေးနိုင်တဲ့ Cloud-based HR Application တစ်ခုဖြစ်ပါတယ်။ ရုံးမှာပဲအလုပ်လုပ်တာပဲ ဖြစ်ဖြစ်၊ စားသောက်ဆိုင် တစ်ခုမှာ လုပ်တာပဲဖြစ်ဖြစ်၊ အရောင်းဆိုင်တစ်ဆိုင်ဖြစ်ဖြစ်၊ ဂိုဒေါင်တစ်ခုမှာ ဒါမှမဟုတ် အိမ်ကအလုပ်လုပ်တာပဲ ဖြစ်ဖြစ် ကျွန်တော်တို့အနေနဲ့ ထောင်ပေါင်းများစွာသောလုပ်ငန်းတွေရဲ့ ကုန်ထုတ်စွမ်းအားတွေနဲ့ ဝန်ထမ်းတွေရဲ့ လုပ်ကိုင်ပုံတွေ အများကြီးတိုးတက်လာဖို့အတွက် ကူညီခဲ့ပြီး ဖြစ်ပါတယ်။ justlogin.com/free-trial ကနေအခုပဲဝင်ပြီးတော့ JustLogin ကို စမ်းသုံးကြည့်လိုက်ပါ။