COVID-19 အလွန်ကာလတွင် သင့်စီးပွားရေးကို ပြန်လည်ဦးတည်သင့် သည့် နည်းလမ်း (၃) သွယ်

Yi Ting
Jul 22, 2020
2 min read

COVID-19 ကပ်ရောဂါသည် ကမ္ဘာအနှံ့ရှိ စီးပွားရေးလုပ်ငန်းများ၏ လုပ်ဆောင် နေသော ယန္တရားများကို များစွာထိခိုက်စေခဲ့ပါသည်။ မတ်လ၊ ၂၀၂၀ ခုနှစ်တွင် Institute for Supply, Management ၏ စစ်တမ်းအရ ၇၅ ရာခိုင်နှုန်းသော ကုမ္ပဏီများ၏ ဝန်ဆောင်မှုကွင်းဆက်၏ လုပ်ငန်းဆောင်ရွက်ချက်များမှာ များစွာ ထိခိုက်နစ်နာမှုရှိခဲ့ကြောင်း ဖော်ပြခဲ့ပါသည်။ ဒါ့အပြင် ၎င်းကုမ္ပဏီများအနေနဲ့ ငွေကြေးလည်ပတ်မှုနှင့် စိန်ခေါ်မှုများလည်းကြုံတွေ့ရလျက်ရှိပါသည်။ Work from home ကို အကောင် အထည်ဖော်ကျင့်သုံးရာတွင်လည်း အခက်အခဲအချို့ကို ကြုံတွေ့ခဲ့ရသည့်အတွက် လုပ်ငန်းခွင်အတွင်း ခေါင်းဆောင်များအနေဖြင့် ပုံမှန်အတိုင်း ပြန်လည် လည်ပတ်နိုင်ရေးအတွက် အောက်ပါနည်းလမ်း(၃)သွယ်ကို မျှဝေပေး လိုပါတယ်။

၁။ မိမိတို့လုပ်ငန်းနှင့် ဆက်စပ်နေသော မိတ်ဖက်များနှင့်ပုံမှန်ဆက်သွယ်ပါ။

ယခုကို မရေရာမသေချာသော ကာလတစ်ခုမှာ ကုမ္ပဏီများအနေဖြင့် မိမိတို့ လုပ်ငန်းနှင့်ဆက်စပ်နေသော မိတ်ဖက်များနှင့် ပုံမှန်ဆက်သွယ်ပေးဖို့ လိုအပ်ပါတယ်။

အချို့သောကုမ္ပဏီများအနေနဲ့ ယခုလိုကာလမျိုးမှာ ငွေကြေးအကျိုးအမြတ်များကို ရရှိစေဖို့ ကြိုးပမ်းကြတဲ့အစား မိမိတို့ရှိပြီးသားဖောက်သည်များ တည်မြဲစေဖို့အတွက် သီးသန့်ဝန်ဆောင်မှုများကို ပေးဖို့ ကြိုးစားကြပါတယ်။ ဒီနည်းဟာ COVID-19 အလွန်မှာ customer များအနေနဲ့ မိမိတို့ဝန်ဆောင်မှုကို ဦးစားပေးရွေးချယ်စေဖို့ ကြိုးပမ်းကြတဲ့ နည်းတစ်ခု ဖြစ်ပါတယ်။ ဥပမာ-အသေးစား၊ အလတ်စားလုပ်ငန်း များအနေနဲ့ Social Media ကို အသုံးပြုပြီး မိမိတို့လုပ်ငန်းပြန်လည် လည်ပတ်နေပြီဖြစ်ကြောင်း(သို့) delivery မှ စျေးဝယ်နိုင်ပြီဖြစ်ကြောင်း (သို့) application အသုံးပြုပြီး ဝယ်ယူနိုင်ပြီဖြစ်ကြောင်း သတင်းပေးဆက်သွယ်ကြ လေ့ရှိပါတယ်။ ဝန်ထမ်းများစီမံခန့်ခွဲခြင်းနှင့် ပတ်သက်ပြီး လုပ်ငန်းရှင်များအနေနဲ့ မိမိတို့ ဝန်ထမ်းများကို ပုံမှန်ဆက်သွယ်ပေးပြီး စီးပွားရေးလုပ်ငန်းများအခြေအနေနှင့် ၎င်းတို့ အတွက် အနာဂတ်ကောင်းရှိကြောင်း အဆက်မပြတ်ချိတ်ဆက်နေသင့်ပါသည်။ ယခုလို မရေရာမသေချာသော ကာလတွင် ဝန်ထမ်းများအနေနဲ့ မိမိတို့မှီခိုနေရသော လုပ်ငန်း အနေနဲ့ စီးပွားရေးအခက်အခဲများကို ဖြေရှင်းနိုင်ပါ့မလားဆိုသော စိုးရိမ်ပူပန်မှု များလည်း ရှိကောင်းရှိနိုင်ပါတယ်။ ဒါ့ကြောင့် ရှင်းလင်းတိကျပြတ်သားသော သတင်းအချက်အလက်များကို e-mail မှဖြစ်စေ အချိန်နှင့်တပြေးညီ ဝန်ထမ်းများကြား မျှဝေပြီး စိုးရိမ်ပူပန်မှုများကို ဖြေဖျောက်ပေးသင့်ပါတယ်။

၂။ မိမိတို့ရဲ့လုပ်ငန်းဆောင်ရွက်ပုံများကို ပြန်လည်သုံးသပ်ပါ။

ဖျော်ဖြေရေးနှင့် F&B လုပ်ငန်းများအနေဖြင့် တစ်ဦးနှင့်တစ်ဦး ခပ်ခွာခွာ နေထိုင်သွားလာနိုင်မည့် နေရာအကျယ်အဝန်းနှင့် စီးပွားရေးလုပ်ငန်းပုံစံသစ်များကို ပြောင်းလဲသင့်သည့် အချိန်ကာလကောင်းတစ်ခုဖြစ်ပါတယ်။ အချို့သော ထုတ်ကုန်လုပ်ငန်း များအတွက် ထုတ်ကုန်သစ်များကို ထုတ်လုပ်သင့်ပါတယ် (ဥပမာ-Louis Vuitton Owner (LVMH) အနေဖြင့် ရေမွှေးထုတ်ကုန်အစား လက်သန့်စင်ဆေးရည် ပြုလုပ်ခြင်းကို စတင်နေပြီဖြစ်ပါတယ်။) ကပ်ရောဂါကာလအလွန်တွင် စီးပွားရေး လုပ်ငန်းများအနေဖြင့် ပိုမိုသွက်လက်ပြီး အလုပ်တွင်ကျယ်စေသော အလေ့အထများကို စဉ်းစားသင့်ပါသည်။ သွက်လက်ခြင်းဆိုတဲ့အဓိပ္ပာယ်ကို Mckensey ၏ အဓိပ္ပာယ်ဖွင့်ဆို ချက်အရ “အဖွဲ့အစည်းတစ်ခုအနေဖြင့် မိမိကိုယ်ကို ပြန်လည်ဆန်းသစ်နိုင်ခြင်း၊ လိုက်လျော ညီထွေမှုရှိခြင်း၊ ရည်မှန်းချက်ပြည့်ဝစွာ ခက်ခဲသောပတ်ဝန်းကျင်တွင် လျှင်မြန်စွာ ပြောင်းလဲဆောင်ရွက်နိုင်ခြင်း” ဘဲဖြစ်ပါတယ်။

စီးပွားရေးလုပ်ငန်းရှင်များအနေနဲ့ အောက်ပါမေးခွန်းများကို မေးမြန်းသုံးသပ်သင့် ပါတယ်။ မိမိတို့အမှန်တကယ် ရုံးခန်းလိုအပ်ပါသလား? တစ်ပတ်ကို အလုပ်ချိန် (၄) ရက် သတ်မှတ်ဖို့ စဉ်းစားဖူးပါသလား? ကုမ္ပဏီများအနေနဲ့ မိမိတို့ဝန်ထမ်းများကို အနာဂတ်မှာ ဘယ်လိုရုံးနေရာသတ်မှတ်ပေးမလဲ? ယခုလိုကာလမျိုးမှာ မိမိတို့လုပ်ငန်း များကို လည်ပတ်စေပြီး ပိုမိုအဆင်ပြေစွာ လုပ်ဆောင်နိုင်ဖို့ နည်းလမ်းသစ်များကို စဉ်းစားသင့်တဲ့ အချိန်တစ်ခုဖြစ်ပါတယ်။

အချို့သော စီးပွားရေးလုပ်ငန်းရှင်များအနေနဲ့ ဝန်ထမ်းများကို ကိုယ်တိုင် မြင်တွေ့ခွင့် မရသော Remote Working ဝန်ထမ်းများကို စီမံခန့်ခွဲဖို့ အင်မတန်မှ စိုးရိမ်ပူပန် နေကြပါတယ်။ ဒီလိုပြဿနာကို ဖြေရှင်းဖို့ Just Losin ရဲ့ JustClock application က ဝန်ထမ်းများကို အချိန်နှင့်တပြေးညီ မြင်နိုင်ပြီး မြေပုံနဲ့တည်နေရာပါ သိနိုင်ပါသေးတယ်။ on the go solution ဖြစ်တာကြောင့် AI ဖြင့် ဝန်ထမ်းများ ရုံးတက်ချိန်ကို ၎င်းတို့မျက်နှာနှင့်အတူ မှတ်ပုံတင်ပေးမှာဖြစ်ပါတယ်။ ဒါ့အပြင် geofencing function ဖြစ်ပြီး ဝန်ထမ်းများကို ၎င်းတို့ရဲ့ အလုပ်ခွင်နေရာစည်းတစ်ခုကို သတ်မှတ်ပေးထားနိုင်တာကြောင့် ဝန်ထမ်းများအနေနဲ့ အလုပ်ကို အာရုံစိုက်နိုင်သလို ဝန်ထမ်းများနှင့် မန်နေဂျာများကြား ယုံကြည်မှုကို တည်ဆောက်နိုင်မှာဖြစ်ပါတယ်။

၃။ ဒီဂျစ်တယ်နည်းပညာကို အသုံးချမြှင့်တင်ပါ။

ကုမ္ပဏီများအနေဖြင့် ဒီဂျစ်တယ်နည်းပညာကို ပြောင်းလဲအသုံးချဖို့ ယခုလောက် ကောင်းသောအချိန်မရှိပါဘူး။ သုတေသနပြုလုပ်ချက်များအရ ၂၀၂၀ ခုနှစ်တွင် Application အသစ်များ ပိုမိုတီထွင်လာကြမည်ဖြစ်ပြီး သုံးစွဲသူများ၏ အပြုအမူ များမှာလည်း တဖြည်းဖြည်းပြောင်းလဲလာကြပြီဖြစ်ပါတယ်။ ကုမ္ပဏီများအနေနဲ့လည်း ပြောင်းလဲလာသော ရေစီးကြောင်းပေါ်မူတည်ပြီး data အခြေပြုဆုံးဖြတ်ချက်များ ချမှတ်ခြင်းနှင့် ပြောင်းလဲမှုများ စီမံခန့်ခွဲခြင်းတို့ကို ဆောင်ရွက်သင့်ပြီဖြစ်ပါတယ်။ ပြောင်းလဲမှုများကို စီမံခန့်ခွဲရာတွင် software များကို အခြေခံပြီး စီမံကိန်းများ၏ Time Line အတိုင်း ပြီးမြောက်စေရန်နှင့် ၎င်းတို့ရဲ့ ကိုယ်ပိုင် KPI များကို သတ်မှတ်ပြီး ပွင့်လင်းမြင်သာမှုရှိစွာ ဆောင်ရွက်သင့်ပါတယ်။

လေ့လာတွေ့ရှိချက်များအရ ၄၀ မီလီယံသော လူများအနေဖြင့် ကပ်ရောဂါကာလ အပြီးတွင် Work from Home ကို ပုံမှန်ကျင့်သုံးသွားကြမည်ဟု ခန့်မှန်းထားပါတယ်။ ဒါ့ကြောင့် ကုမ္ပဏီများအနေဖြင့် HR စီမံခန့်ခွဲမှုများဖြစ်သော လစာပေးခြင်း၊ လုပ်ငန်းစဉ်ဆောင်ရွက်မှုစီမံခန့်ခွဲခြင်းနှင့် ကုန်ကျစရိတ်စီမံခန့်ခွဲမှုများကို cloud based HR software ကို ပြောင်းလဲအသုံးပြုသင့်ပြီဖြစ်ပါတယ်။

ကန့်သတ်ချက်များဖြေလျှော့မည့်အချိန်ကာလတွင်လည်း ကုမ္ပဏီများအနေဖြင့် ထိရောက်သောဆက်သွယ်မှုပုံစံ၊ လုပ်ငန်းစဉ်များ ပြန်လည်စဉ်းစားခြင်းနှင့် ဒီဂျစ်တယ် နည်းပညာကို အသုံးချခြင်း စသည့် အခြေခံအချက်များကို ပြန်လည်သုံးသပ်သင့် ပါတယ်။ လုပ်ငန်းရှင်ခေါင်းဆောင်များအနေဖြင့် မိမိတို့လုပ်ငန်းကို တည်ငြိမ်စွာနဲ့ တိုးတက်ဖွံ့ဖြိုးစေရေးအတွက် ရှင်းလင်းတိကျပြီး မဟာဗျူဟာကျသော အစီအစဉ် များကို COVID-19 ကာလအလွန်အတွက် ကြိုတင်ပြင်ဆင်ထားသင့်ပြီဖြစ်ပါတယ်။

COVID-19 အလွန်ကာလတွင် သင့်စီးပွားရေးကို ပြန်လည်ဦးတည်သင့် သည့် နည်းလမ်း (၃) သွယ်

Recent Posts

Comments