Covid-19 ကာလ လုပ်ငန်းခွင်အတွင်း ဝန်ထမ်းများ ဘေးအန္တရာယ် ကင်းစေဖို့

COVID-19 ကပ်ရောဂါရဲ့ ရိုက်ခတ်မှုဟာ မြန်မာနိုင်ငံအပေါ် အခြားနိုင်ငံများနှင့် နှိုင်းဆရင်တော့ အဆိုးရွားကြီးမဟုတ်လှသော်လည်း မြန်မာနိုင်ငံအစိုးရအဖွဲ့ အနေနဲ့ ရောဂါပြန်ပွားမှုကို ထိန်းချုပ်ကာကွယ် တားဆီးရေးအတွက် လိုအပ်တဲ့ အသိပေးနိုးဆော်ချက်တွေကို ဆောင်ရွက်လျှက် ရှိပါတယ်။

မြန်မာနိုင်ငံအစိုးရအဖွဲ့အနေနဲ့ ရောဂါထိန်းချုပ်ကာကွယ်တားဆီးရေးအပေါ် အောက်ပါ ဆောက်ရွက်ချက်များကို ဆောင်ရွက်လျှက်ရှိပါတယ်။

– နိုင်ငံတကာ လေကြောင်းလိုင်းများ နှင့် ခရီးသွားဗီဇာ များအား ဆိုင်းငံ့ထားခြင်း၊ မြန်မာနိုင်ငံသားများအနေနဲ့ ရန်ကုန်၊ မန္တလေးနှင့် နေပြည်တော်လေဆိပ်များသို့ ရောက်ရှိလာကြတဲ့ နိုင်ငံခြားသားများ၊ ရောဂါပိုးတွေ့ရှိလူနာများနှင့် ထိတွေ့ဆက်ဆံဖူးသော သူများအား (၂၁ ရက် Community Based Facility Quarantine၊ ၇ ရက် Home Quarantine၊ စုစုပေါင်း ၂၈ ရက် Quarantine တို့ကို သတ်မှတ်ထားခြင်း)

– ၁၈ရက်၊ ၄လ ၊ ၂၀၂၀ မှစတင်ပြီး မြို့နယ်အလိုက် Stay at Home အစီအမံများကို ထိရောက်စွာ အကောင်အထည်ဖော်ခြင်း

– ကျောင်းများပိတ်ခြင်း၊ ဖျော်ဖြေရေးဆိုင်ရာ လုပ်ငန်းများအား ပိတ်ထားခြင်း

– လူထုစုဝေးခြင်းနှင့် လုပ်ငန်းခွင်သို့ အလုပ်ဆင်းခြင်းများအား တားမြစ်ထားခြင်း စတာတွေဘဲ ဖြစ်ပါတယ်။

မြန်မာနိုင်ငံအစိုးရအဖွဲ့အနေနဲ့ မြို့နယ်များအလိုက် stay at home ကာလ ဖြေလျော့ပေးခဲ့ပြီး အင်းစိန်မြို့နယ်အတွက်ကိုတော့ Stay at Home သတ်မှတ်ထားလျှက် ရှိပါသေးတယ်။

လုပ်ငန်းများပြန်လည် လည်ပတ်ရာတွင် ဝန်ထမ်းများအတွက် လိုအပ်သော အန္တရာယ်ကင်းရှင်းရေး စီမံခန့်ခွဲမှုများကို ပြင်ဆင်ထားရမှာဖြစ်ပြီး ဝန်ထမ်းများအနေနဲ့လည်း အဆိုပါ စည်းကမ်းများကို လိုက်နာရမှာဘဲ ဖြစ်ပါတယ်။ လိုအပ်သလို ရှောင်တခင်စစ်ဆေးမှုများကိုလည်း သက်ဆိုင်ရာ အာဏာပိုင်များက အချိန်နှင့်တပြေးညီ ဆောင်ရွက်လျှက်ရှိပြီး စည်းကမ်းမလိုက်နာသော လုပ်ငန်းများကိုလည်း လုပ်ငန်းရပ်နားထားဖို့ တွန်းအားပေး ဆောင်ရွက်လျှက်ရှိပါတယ်။

မြန်မာနိုင်ငံအစိုးရအဖွဲ့က ချမှတ်ထားသော စည်းမျဉ်းအသစ်များကို လိုက်နာခြင်းခြင်း စီးပွားရေးလုပ်ငန်းများ ပြန်လည် ထူထောင်လာစေရေးအတွက် လုပ်ငန်းတိုင်းအနေဖြင့် သတ်မှတ်စည်းမျဉ်း၊ စည်းကမ်းအသစ်များကို သေချာစွာ လိုက်နာကျင့်သုံးကြဖို့လိုအပ်ပြီး ဝန်ထမ်းများရဲ့ ကျန်းမားရေးအခြေအနေကောင်းမွန်မှသာလျှင် လုပ်ငန်းများကိုလည်း ထိရောက်စွာ အပူပင်ကင်းကင်း လည်ပတ်နိုင်မှာဖြစ်ပါတယ်။ လိုက်နာရမယ့် စည်းမျဉ်းအသစ်များကတော့

၁။ လူမှုရေးရာ နီးကပ်စွာ ဆက်ဆံခြင်းများအားလျော့ချပြီး တစ်ဦးနှင့် တစ်ဦး အနည်းဆုံး (၆) ပေ အကွာတွင် နေထိုင်စေခြင်း

လုပ်ငန်းခွင်အတွင်း အဝင်၊ အထွက်နှင့် ဝန်ထမ်းများကြား ရင်းနှီးစွာထိတွေ့ခြင်းကို အားမပေးဘဲ အနားယူချိန်၊ ထမင်းစားချိန်များတွင် တစ်ဦးနှ့င် တစ်ဦးထိတွေ့ခြင်းမှ ရှောင်ကြဉ်စေဖို့ ဆောင်ရွက်ပေးရပါမယ်။ လုံခြုံဘေးကင်းသော အကွာအဝေးတစ်ခုကို ဖန်တီးရာမှာ အချို့သော ရုံးခန်းများအတွက် တစ်ဦးနှင့် တစ်ဦး (၆) ပေအကွာတွင် နေထိုင်ဖို့ အင်မတန်ခက်ခဲတာကြောင့် ဝန်ထမ်းများအတွက် လိုအပ်ပါက faceshields (သို့) ပလတ်စတစ် အကာအကွယ်များကို ဖန်တီးပေး ရပါမယ်။

၂။ ကျန်းမာသန့်ရှင်းစေရေးကို အထူး ဂရုပြုပြီး လုပ်ငန်းခွင် ပတ်ဝန်းကျင်အတွင်း သန့်ရှင်းရေးများ ပြုလုပ်ခြင်း

မည်သူမဆို တစ်ဦးတစ်ယောက်ချင်းစီအနေနဲ့ မိမိတို့ တစ်ကိုယ်ရည်သန့်ရှင်းရေးများကို တာဝန်ယူသင့်ပြီး လက်များကို လည်းမကြာခဏ ရေဖြင့်ဖြစ်စေ၊ လက်သန့်ဆေးရည်ဖြင့် ဖြစ်စေ ဆေး​ကြောရပါမယ်။ လုပ်ငန်းရှင်များအနေနဲ့ လုပ်ငန်းခွင်အတွင်း အဓိက သန့်ရှင်းရမယ့်နေရာများဖြစ်တဲ့ အိမ်သာ၊ လက်ဆေးရာနေရာများ၊ လူအဝင်အထွက်များရာ နေရာများ၊ အစည်းဝေးခန်းမများစတဲ့ နေရာများကို သန့်ရှင်းစွာ ထားသင့်ပါတယ်။

၃။ ခရီးသွားဆိုင်ရာ သတ်မှတ်စည်းမျဉ်းများအတိုင်း တာဝန်ရှိသော ဧည့်သည်များနှင့် အရေးပါသည့် ဝန်ထမ်းများကို သာ ဝင်ရောက်စေခြင်း

• မည်သူမဆို ဖျားနာခြင်း (ခန္ဓာကိုယ်အပူချိန်မြင့်မားခြင်း) ကိုတွေ့ရှိပါက ဝင်ရောက်ခွင့်ကို ပယ်ဖျက်မှာဖြစ်ပါတယ်။ Mask မပါဘဲ လာရောက်သော ဧည့်သည်များကိုလည်း လုပ်ငန်းတွင်း ဝင်ရောက်မှုကို ကန့်သတ်ရမှာဖြစ်ပြီး လုပ်ငန်းဆောင်ရွက်သူများအနေနဲ့လည်း အလုပ်ချိန်အတွင်း mask များကို အချိန်ပြည့်ဝတ်ဆင်ထားရမှာဖြစ်ပါတယ်။ ဝန်ထမ်းများအတွက် Mask များကို အလုံအလောက်ပေးအပ်ထားရမှာဖြစ်ပြီး ဝန်ထမ်းများအနေနဲ့လည်း စည်းကမ်းတိကျစွာ လိုက်နာ ရမှာဖြစ်ပါတယ်။

• လွန်ခဲ့သော (၁၄) ရက်အတွင်းက ရောဂါပိုးတွေ့ရှိထားသူများနှင့် ထိတွေ့မှုမရှိ ကြောင်း (သို့) stay at home/quarantine order သတ်မှတ်ခံထားရသူများမဟုတ်ကြောင်းနှင့် ဖျားနာရောဂါ လက္ခဏာများ မရှိကြောင်းကို အသိပေး၊ ကြေငြာရမှာ ဖြစ်ပါတယ်။

• စီပွားရေးလုပ်ငန်းများအနေနဲ့ physical touchpoints ဖြစ်တဲ့ ထိတွေ့ခြင်းများကို နည်းနိုင်သမျှ နည်းအောင် လျော့ချပေးရမှာဖြစ်ပြီး လိုအပ်ပါက အဝင်အထွက် နေရာတိုင်းတွင် contactless thermometer များကို ထားရှိသင့်ပါတယ်။ ဝန်ထမ်းဦးရေ (၅၀၀) နှင့်အထက် လုပ်ငန်းများအတွက် Non-Touch Thermometers ၃လုံးဖြင့် စစ်ဆေးနိုင်သလို ၊ ဝန်ထမ်းဦးရေ (၁၀၀၀) နှင့်အထက် လုပ်ငန်းများအတွက် Non-Touch Thermometers ၅ လုံး စသဖြင့် စစ်ဆေးနိုင်ပါတယ်။

• ပုံမှန်အပူချိန်တိုင်းတာခြင်းနှင့် အသက်ရှူလမ်းကြောင်းဆိုင်ရာ လက္ခဏာများကို လုပ်ငန်းခွင်တွင်းရှိ ဝန်ထမ်းများနှင့် ဧည့်သည်များအတွက် တစ်နေ့ နှစ်ကြိမ် (သို့) လိုအပ်သလို ပုံမှန်စစ်ဆေးပေးသင့်ပါတယ်။

လိုအပ်သော စည်းမျဉ်းများကို ချမှတ်ပြီးနောက် ပုံမှန်စီမံဆောင်ရွက်ရေးအတွက် လူအဝင်၊အထွက်များကို ကြီးကြပ်ဆောင်ရွက်ရာမှာ အပူချိန်တိုင်းတာခြင်းနှင့် ကျန်းမာရေးဖောင်များကို ဖြည့်ရတာဟာ အလွန်ကို ရှုပ်ထွေးများပြားတဲ့ လုပ်ငန်းစဉ်တစ်ခုဖြစ်ပါတယ်။ JustLogin’s ရဲ့ SafeClock device ကတော့ JustLogin cloud-based HR Management စနစ်နဲ့ ချိတ်ဆက်ထားတာဖြစ်လို့ သင့် ကုမ္ပဏီရဲ့ ကျန်းမာရေးဆိုင်ရာ လုံခြုံရေးအတွက် အလိုလျောက်တိုင်းတာ စီမံပေးတာဖြစ်လို့ အလွန်လွယ်ကူလှပါတယ်။ SafeClock ဆိုတာကတော့ ဝန်ထမ်းများ နှင့် ဧည့်သည်များရဲ့ အပူချိန်ကို တစ်​နေကုန် Scan ဖတ်ပေးနိုင်ပါတယ်။ တစ်စုံတစ်ယောက်မှာ ဖျားနာခြင်းတွေ့ရှိပါက administrators များက JustLogin ရဲ့ HR management system ကို ချက်ချင်းသတင်းပို့ပေးတာဖြစ်လို့ ဧည့်သည်ရဲ့ အဝင်အထွက်ကို ချက်ချင်းငြင်းပယ်နိုင်ပါတယ်။

SafeClock က ဧည့်သည်များ၊ ဝန်ထမ်းများရဲ့ အပူချိန်၊ Mask အကာကွယ်နဲ့ ၊ မှတ်ပုံတင်ထားသူများအပေါ်အခြေခံပြီး ထိန်းချုပ်စီမံပေးတာ ဖြစ်ပါတယ်။ မှတ်ပုံတင်ထားသော ဝန်ထမ်းများကို facial recognition ဖြင့် ခွဲခြားနိုင်ပြီး မှတ်ပုံမတင်ထားသူ ဧည့်သည်များအတွက် ၎င်းတို့ရဲ့ ဓါတ်ပုံများနှင့် ဝင်ရောက်တဲ့ အချိန်ပေါ်မူတည်ပြီး contact tracing အဆက်အသွယ်များကို ခြေရာခံနိုင်ပါတယ်။

၄။ အလုပ်ချိန် အလှည့်ကျသတ်မှတ်ခြင်းနှင့် ဝန်ထမ်းများကြား အနားယူချိန်သတ်မှတ်ပါ။

ဝန်ထမ်းများအတွက် တချိန်တည်း လုပ်ငန်းခွင်ထဲပြန်လည်ရောက်ဖို့ စဉ်းစားမယ့်အစား အနည်းဆုံး ၁ နာရီခြားစီ (8 am to 5pm, 9 am to 6pm, 10 am to 7pm) စသဖြင့် သတ်မှတ်ပြီး တစ်ဝက်ထက် မပိုသော ဝန်ထမ်းများကို လုပ်ငန်းများဆောင်ရွက်စေဖို့ စီမံပေးပါ။ ဖြစ်နိုင်မယ်ဆိုရင်တော့ ရုံးတက်၊ ရုံးဆင်းချိန် လူများတဲ့ အချိန်ကို ရှောင်ရှားစေပြီး ရုံးချိန်များကို သတ်မှတ်သင့်ပါတယ်။ သို့သော်လည်း မတူညီသော အလုပ်သဘော သဘာ၀အရ အထက်ပါ အချက်များကို စီမံဖို့ ခက်ခဲရင်တော့ ဝန်ထမ်းများ အဝင်အထွက်အား မတူညီသော ဝင်ပေါက်များမှ ဝင်ရောက်စေခြင်းဖြင့် အချင်းချင်းထိတွေ့ခြင်းများကို လျော့ချပေးနိုင်မှာဖြစ်ပါတယ်။

JustLogin ရဲ့ အလိုလျောက် ရုံးတက်၊ ရုံးဆင်း ခြေရာခံစစနစ်ဖြစ်တဲ့ JustClock ကတော့ အလုပ်ချိန် အလှည့်ကျ လဲလှယ်ခြင်းစီမံရာမှာ ဝန်ထမ်းများကို အလုပ်ချိန် တစ်ခုနှင့်တစ်ခုကြားအချိန်များ လဲလှယ်ခြင်း (သို့) လူခွဲခြင်း စတဲ့ အသင်းစီမံခန့်ခွဲရေးကို စီမံနိုင် ဖို့ ထိရောက်စွာ ကူညီပေးပါတယ်။ ဒီလိုဆောင်ရွက်ရာမှာလည်း ဝန်ထမ်းများကြား အလုပ်ချိန် အပြောင်းအလဲအတွင်း ရုံးဆင်း၊ ရုံးတက် ထိတွေ့ခြင်းများကိုပါ ရှောင်ရှားစေဖို့ ကူညီပေးပါတယ်။ ဝန်ထမ်းများ အနေနဲ့လည်း လုပ်ငန်းချိန်အပြောင်းအလဲ ပြီးတိုင်း မိမိတို့ရဲ့ နေရာများကို သန့်ရှင်းစွာ ထားရှိရမှာဖြစ်ပါတယ်။ ဝန်ထမ်းများရဲ့ အပူချိန်ကို SafeClock နဲ့ Scan ဖတ်ရာမှာ ၎င်းတို့ ရုံးချိန် အဝင်၊ အထွက်ကို cloud-based HR platform နဲ့ မှတ်တမ်းတင်ထားမှာ ဖြစ်ပါတယ်။ ဝန်ထမ်းများအနေနဲ့ ၎င်းတို့ရဲ့ အချိန်အပြောင်းအလဲအတိုင်းမလိုက်နာပါကလည်း Administrators က အသိပေးအချက်ပြနိုင်ပါတယ်။

၅။ အန္တရာယ် ကင်းရှင်းရေး စီမံခန့်ခွဲမှု လုပ်ငန်းစဉ်စနစ် တစ်ခုကို အကောင်အထည်ဖော်ပါ။

နေထိုင်မကောင်းသော ဝန်ထမ်းများကို ထိရောက်စွာ စီမံပေးနိုင်ရေးအတွက် အန္တရာယ် ကင်းရှင်းရေး စီမံခန့်ခွဲမှုရေးရာ အရာရှိတစ်ဦး ကို ခန့်အပ်ထားသင့်ပါတယ်။ လိုအပ်သော လုပ်ငန်းစဉ်များကို ချမှတ်ဆောင်ရွက်ထားသည်ဆိုသော်လည်း COVID-19 သံသယရှိဖွယ် ကိစ္စရပ်များကို တွေ့ရှိပါက တစ်စုံတစ်ယောက်မှ ဦးဆောင်ကာ လိုအပ်သော စီမံခန့်ခွဲ ဆုံးဖြတ်ချက်များကို ဆောင်ရွက်ဖို့ အရေးကြီးပါတယ်။ တစ်စုံတစ်ယောက် နေမကောင်း ဖြစ်ခဲ့ပါက အဆိုပါ အရာရှိကို သတင်းပို့ခြင်းဖြင့် လုပ်ငန်းခွင်မှ ချက်ချင်း ထွက်ခွာကာ ဆရာဝန်ဆီ သွားရောက်ဆွေးနွေးနိုင်ပါသေးတယ်။ သံသယရှိလူနာတွေ့ရှိပါက လုပ်ငန်းရှင်များအနေနဲ့ အနီးဆုံးဆေးရုံမှ လူနာတင်ယာဉ်ကို ခေါ်ကာ ဆေးရုံသို့ ပို့ဆောင်ရပါမယ်။ ဒါ့အပြင် Safe Management Measures များအတိုင်း ခြေရာခံစစ်ဆေးမှုများပြုလုပ်ပြီး လိုအပ်ပါက သံသယရှိသူ ဝန်ထမ်းတာဝန်ထမ်းဆောင်သွားခဲ့သည့် နေရာများကို သန့်ရှင်းမှုများ ချက်ချင်းပြုလုပ်နိုင်မှာ ဖြစ်ပါတယ်။

ရောဂါအတည်ပြုလူနာဖြစ်နေပါက လုပ်ငန်းကို ချက်ချင်းရပ်နားရမည်ဖြစ်ပြီး ရောဂါဖြစ်ပွားသူ လူနာတာဝန်ထမ်းဆောင်သွားသည့်နေရာများကို ကန့်သတ်ရမှာဖြစ်ပါတယ်။ အဆောက်အဦးတစ်ခုလုံးကို ပိတ်ထားရန်မလိုအပ်သော်လည်း ရောဂါပိုးသတ်ခြင်း၊ သန့်ရှင်းရေးနှင့် လိုအပ်သော ဆောင်ရွက်ချက်များကို လိုက်နာရမှာဖြစ်ပါတယ်။ လုပ်ငန်းခွင်တိုင်းဖော်ပြပါ မြန်မာနိုင်ငံအစိုးရအဖွဲ့က ချမှတ်ထားသော လမ်းညွှန်ချက်များအတိုင်း လုပ်ငန်းခွင်တွင်း အန္တရာယ်ကင်းရှင်းရေးကို လိုက်နာကြမယ်ဆိုရင်တော့ COVID-19 ရောဂါပြန့်ပွားမှုကို တားဆီးကာကွယ်နိုင်မှာဖြစ်တာကြောင့် အားလုံးအတူတကွ လက်တွဲလုပ်ဆောင်ကြဖို့ အသိပေးတိုက်တွန်း လိုက်ရပါတယ်။